Framkvæmdastjórn SHA

Undir stúdentaráði starfar framkvæmdastjórn félagsins. Hún er skipuð forseta, hagsmunafulltrúa, rekstrarstjóra, viðburðastjóra, alþjóðafulltrúa og samskiptafulltrúa SHA.

Dagleg starfsemi félagsins er í höndum framkvæmdastjórnar sem starfar á réttindaskrifstofu SHA í D-byggingu. Hægt er að hafa samband við skrifstofuna í gegnum netföng og símanúmer sem birt eru hér að neðan.

Á réttindaskrifstofu Stúdentafélags Háskólans á Akureyri geta stúdentar leitað aðstoðar vegna ágreiningsmála sem kunna að koma upp innan háskólans. Veitt er ráðgjöf um næstu skref og hvernig stúdentar geta leitað réttar síns innan Háskólans á Akureyri. Einnig er veitt almenn fræðsla um réttindi stúdenta og þær leiðir sem standa til boða til að leysa úr málum.

Framkvæmdastjórnin tekur að sér einstaklingsmál stúdenta eftir beiðni. Fullum trúnaði er ávallt heitið nema annað sé sérstaklega ákveðið í samráði við viðkomandi málsaðila. Leitast er við að leysa öll mál eins hratt og örugglega og unnt er eða vísa þeim áfram til viðeigandi aðila.

Stúdentar eru einnig alltaf velkomnir á skrifstofuna í kaffi og spjall.

Mikilvægt er að taka fram að framkvæmdastjórnin tekur ekki ákvarðanir um íþyngjandi skuldbindingar félagsins án umfjöllunar og samþykkis meirihluta stúdentaráðs.

Framkvæmdastjórn SHA 2025-2026

 

       

 

     Aðalbjörn Jóhannsson

       Forseti SHA
       forsetisha@unak.is
 

     

 

     Katla Ósk Káradóttir

     Hagsmunafulltrúi
     @unak.is
 

     

 

     Heiðrún Hafdal Björgvinsdóttir

     Rekstrarstjóri
     @unak.is
 

     

 

     Guðrún Lára Einarsdóttir

     Viðburðastjóri
     @unak.is
 

     

 

     Jóhannes Már Pétursson

     Alþjóðafulltrúi
     @unak.is
 

   

 

     Rakel Rún Sigurðardóttir

     Samskiptastjóri
     @unak.is

 

Opnunartími/Opening hours:

Réttindaskrifstofa SHA er í D-húsi og þar tekur framkvæmdastjórn SHA vel á móti þér!

 

Hvert getur þú leitað

  • Nemendaskrá: Á skrifstofu Nemendaskrár í Sólborg er hægt að fá allar almennar upplýsingar og aðstoð sem og vottorð um skólavist og staðfest afrit af námsferlum og prófskírteinum. Netfangið er nemskra@unak.is og síminn er 460-8000.
  • Nemendaráðgjöf: Við Háskólann á Akureyri starfa nemendaráðgjafar. Hlutverk ráðgjafarþjónustunnar er fjölþætt og felst m.a. í því að veita nemendum háskólans margvíslega þjónustu, stuðning og leiðbeiningar á meðan á námi stendur. Auk þess leiðbeinir ráðgjafi væntanlegum nemendum um val á námi og veitir ráðgjöf og upplýsingar um nám í HA og þjónustu innan háskólans sem nemendur og almenningur eiga kost á. Nemendaráðgjafi hefur umsjón með málefnum fatlaðra nemenda og nemenda með sértæka námsörðugleika. Skrifstofa ráðgjafa er staðsett í G-húsi á Sólborg. 
  • Verkefnastjóri námssamfélags: Verkefnastjóri námssamfélags styður við SHA í þeirra verkefnum, aðstoðar við viðburði og miðlar upplýsingum til stúdenta. Stúdentum er alltaf velkomið að leita til verkefnastjóra námssamfélags í gegnum tölvupóst vanti þeim aðstoð tengt námssamfélaginu, netfangið er siljarun@unak.is
  • Sálfræðiþjónusta: Hlutverk sálfræðings er fyrst og fremst að vera til staðar fyrir stúdenta, vinna að fræðslu og forvörnum. Einnig er í boði Hugræn atferlismeðferð (HAM námskeið) fyrir nemendur gjaldfrjálst. Hugræn atferlismeðferð er gagnreynd sálfræðimeðferð sem hefur reynst mjög árangursrík við ýmsum vanda, til dæmis þunglyndi, kvíða, lágu sjálfsmati og reiði. Gerðar hafa verið margar rannsóknir á árangri HAM meðferða og byggt á niðurstöðum þeirra hefur meðferðin víða verið tekin upp sem fyrsti valkostur í heilbrigðiskerfum um allan heim þegar kemur að sálfræðimeðferðum.
  • Miðstöð alþjóðasamskipta: Verkefnastjórar alþjóðamála veita stúdentum og kennurum upplýsingar um erlent samstarf Háskólans á Akureyri og þau tækifæri sem þar liggja. Þar er hægt að kynna sér allt sem snýr að skiptinámi. Verkefnisstjórar alþjóðamála vinna fyrst og fremst að því efla samstarf við erlenda háskóla og stofnanir sem og að hafa yfirumsjón með nemenda og kennaraskiptaáætlunum á borð við Nordplus, Erasmus og North2North og stuðlar að aukinni þátttöku háskólans í ýmsum áætlunum Evrópusambandsins á sviði vísinda, menntunar og þjálfunar. Alþjóðaskrifstofan er staðsett á 4. hæð á Borgum. 
  • Kennslumiðstöð HA: Ef tölvumálin eru í ólestri, þá geta stúdentar leitað til kennslumiðstöðvar. Starfsmenn hennar leiðbeina stúdentum með tölvumál, taka við ábendingum og veita aðgang að ýmsum tækjum. Á heimasíðu þeirra má nálgast ýmsar gagnlegar leiðbeiningar sem snúa að tækni- og tölvumálum. Kennslumiðstöðin er staðsett á K-gangi, á neðri hæð Sólborgar. 
  • Bókasafn: Á bókasafni Háskólans á Akureyri er að finna mikinn fjölda bóka og rita sem nýtist stúdentum í námi þeirra við skólann. Á bókasafninu er einnig hægt að fá aðstoð við hina ýmsu hluti s.s. leit í gagnasöfnum, notkun á heimildaskráningaforritum og margt fleira.
  • Skrifstofur fræðasviða: Á skrifstofum fræðasviðanna starfa skrifstofustjórar sem veita upplýsingar um námsleiðir og uppbyggingu náms á sínum deildum.
    • Heiða Kristín Jónsdóttir, skrifstofustjóri Hug- og félagsvísindasviðs
    • Anna Bryndís Sigurðardóttir, skrifstofustjóri Heilbrigðis-, viðskipta- og raunvísindasviðs

Í handbók nemenda má finna ýmsar hagnýtar upplýsingar um réttindi og skyldur nemenda við nám og starf í Háskólanum á Akureyri. Þar er einnig að finna ýmsan fróðleik og gagnlegar upplýsingar um lífið á Akureyri. Handbókina má nálgast hér.

Einnig er vefsíða skólans aðgengileg og upplýsandi, og þar má finna ýmsar gagnlegar upplýsingar.