Magister

Magister, félag kennaranema við Háskólann á Akureyri.

Magister er félag kennaranema á hug- og félagsvísindasviði Háskólans á Akureyri. Félagið var stofnað árið 1993 og var því fjórða deildarfélagið sem stofnað var við HA. Markmið félagsins er að gæta hagsmuna kennaranema og vera málsvari þeirra innan skóla sem utan, vinna að aukinni samheldni meðal stúdenta og að standa fyrir skemmtunum og gleðskap fyrir kennaranema. Stjórnin mun gera sitt besta til að standa við þessi markmið.

Stjórn Magister leggur áherslu á samheldni og skemmtun meðal félagsmanna sinna. Magister stefnir að því að bjóða upp á fjölbreytta og skemmtilega viðburði fyrir félagsmeðlimi, bæði skólatengda viðburði ásamt öðrum almennum skemmtanahöldum. 

Félagsmeðlimir eru allir nemendur kennaradeildar Hug- og félagsvísindasviðs við Háskólann á Akureyri, sem hafa skráð sig í félagið í byrjun haustmisseris. Hægt er þó að greiða inngöngugjald ef fólk vill skrá sig í félagið eftir að skráningu lýkur.

Ertu með spurningu eða athugasemd? Sendu okkur póst!