Upplýsingar um skrásetningargjöld
Gjaldið hækkað
Skrásetningargjald við Háskólann á Akureyri var hækkað úr 75.000 kr. upp í 100.000 kr í febrúar 2026.
Þetta þýðir að í byrjun skólaárs þarft þú að borga 100.000 kr. en ef þú hefur nám á vorönn þarftu að borga 75.000 kr. Áður voru það 75.000 kr. í byrjun skólaárs og 50.000 kr. ef nám var hafið á vorönn.
Hvað er skrásetningargjald?
Skrásetningargjald er gjald sem háskólum er samkvæmt lögum heimilt að innheimta til að standa straum af kostnaði við alla þjónustu við nemendur, nema kennslu.
Öryrkjar og skrásetningargjald
Á unak.is undir Námið -> Skólagjöld segir:
„ Þeir sem hafa 75% örorkumat fá 50% skrásetningargjalds endurgreitt gegn framvísun á staðfestingu á örorkumati til nemendaskrár. Greiða þarf fullt skrásetningargjald áður en endurgreiðslu er óskað.”
Þetta þýðir að þau sem eru búin að greiða skrásetningargjald og hafa 75% örorkumat geta sent tölvupóst á nemendaskrá og óskað eftir að fá 50% skrásetningargjaldsins endurgreidd. Í póstinum þarf að koma fram:
- Kennitalan þín
- Númer reikningsins sem þú vilt fá endurgreiðsluna millifærða inn á
- Staðfestingu á örorkumati (t.d. skjáskot af örorkuskírteini í ísland.is appinu)
Dæmi um Tölvupóst
Subject: Skrásetningargjald - Örorka
Góðan dag,
Ég óska eftir að fá 50% skrásetningargjalds endurgreitt vegna örorkumats.
Kt: xxxxxx-xxxx
Reikningsnúmer: xxx-xx-xxxxxx