Reki

Reki, félag viðskiptafræðinema við Háskólann á Akureyri. 

Reki er nemendafélag Viðskiptadeildar við Háskólann á Akureyri og er starfrækt á þeim grundvelli að vera sameiningartákn allra viðskiptadeildarnema.

Reki hefur meðal annars það hlutverk að halda uppi virku félagslífi innan Viðskiptadeildar. Í þeim tilgangi stendur félagið að ýmsum skemmtunum svo sem nýnemakvöldi, vísindaferð, leikhús- og bíóferðum, skemmtikvöldum og ýmsu öðru þar sem skemmtanagildið er í hávegum haft. Einnig stendur Reki fyrir fyrirtækjaheimsóknum og hádegisverðarfyrirlestrum þar sem sérfræðingar á ýmsum sviðum fræða nemendur og veita þeim betri innsýn inn í atvinnulífið sjálft.

Reki er ennfremur hagsmunafélag Viðskiptadeildar og beitir sér fyrir úrlausn þeirra hagsmunamála sem upp koma, jafnt innan deildarinnar sem utan hennar. Síðast en ekki síst er markmið félagsins að kynna nám við Viðskiptadeild út á við.

Stjórn Reka skipa fimm manns; formaður, varaformaður, gjaldkeri, meðstjórnandi og fulltrúi nýnema. Á ársfundi félagsins sem haldinn er vor hvert er ný stjórn kosin ásamt því að farið er yfir lög félagsins.

Ertu með spurningu eða athugasemd? Sendu okkur póst!