Ný framkvæmdastjórn kjörin á aðalfundi SHA

Nýkjörin framkvæmdastjórn SHA. F.v. Heiðrún Hafdal Björgvinsdóttir, Jóhannes Már Pétursson, Katla Ósk Káradóttir, Aðalbjörn Jóhannsson, Rakel Rún Sigurðardóttir, Guðrún Lára Einarsdóttir

Aðalfundur Stúdentafélags Háskólans á Akureyri (SHA) var haldinn fyrr í dag, 16. mars 2026, og var hann vel sóttur af stúdentum úr öllum deildum skólans sem og frá aðildarfélögum stúdentafélagsins. Á fundinum komu stúdentar saman til að ræða starfsemi félagsins, taka afstöðu til mikilvægra mála  og kjósa í lausar stöður stúdentaráðs.

Fyrir fundinn voru samþykktar breytingar á samþykktum félagsins þar sem ákveðið var að fjölga í framkvæmdastjórn úr þremur fulltrúum í sex. Með breytingunni er markmiðið að efla starfsemi SHA, dreifa verkefnum betur og skapa enn öflugri vettvang fyrir stúdenta til að hafa áhrif á nærumhverfi sitt, háskólasamfélagið, fjölbreytt félagslíf og sterka hagsmunabaráttu. Ný framkvæmdastjórn SHA var kjörin í rafrænni kosningu í gegnum Uglu þar sem allir stúdentar Háskólans á Akureyri höfðu tækifæri til þess að kjósa eða hafna frambjóðendum. 

Ný framkvæmdastjórn SHA starfsárið 2026-2027

Nýja framkvæmdastjórn SHA skipa:

Forseti
Aðalbjörn Jóhannsson

Hagsmunafulltrúi
Katla Ósk Káradóttir

Rekstrarstjóri
Heiðrún Hafdal Björgvinsdóttir

Viðburðastjóri
Guðrún Lára Einarsdóttir

Alþjóðafulltrúi
Jóhannes Már Pétursson

Samskiptafulltrúi
Rakel Rún Sigurðardóttir

Framkvæmdastjórnin mun á komandi starfsári vinna að því að efla stúdentasamfélagið við Háskólann á Akureyri, standa vörð um hagsmuni stúdenta og styðja við öflugt félagslíf innan skólans.

Kjör í stúdentaráð

Jafnframt voru eftirfarandi kjörin í stúdentaráð, ásamt forsetum og formönnum sem hlutu kjör á aðalfundum aðildarfélaga:

Gæðafulltrúi SHA
Aldís Mjöll Hlynsdóttir

Umhverfisfulltrúi SHA
Svana Rún Austmar Aðalbjörnsdóttir

Jafnréttisfulltrúi SHA
Mars Baldursson

Fulltrúar í ráð Háskólans á Akureyri

Á aðalfundinum voru einnig kjörnir fulltrúar stúdenta í ráð innan Háskólans á Akureyri:

Fulltrúi stúdenta í Jafnréttisráði HA
Símon Birgir Stefánsson

Fulltrúi stúdenta í Umhverfisráði HA
Arnór Erlendsson

Þakkir til kjörstjórnar og fundarstjóra

Nýkjörin framkvæmdastjórn SHA vill færa kjörstjórninni kærar þakkir fyrir fagleg og vel unnin störf við framkvæmd kosninganna:

• Sólveig Birna Elísabetardóttir, formaður kjörstjórnar

• Helena Sjørup Eiríksdóttir

• Erla Salome Ólafsdóttir

Einnig vill framkvæmdastjórnin þakka Silju Rún Friðriksdóttur, sem gegndi hlutverki fundarstjóra á aðalfundinum og stýrði fundinum af öryggi og festu.

Ný framkvæmdastjórn hlakkar til komandi starfsárs og samstarfs við stúdenta, aðildarfélög og starfsfólk Háskólans á Akureyri við að efla enn frekar stúdentalífið á háskólasvæðinu.