Íþróttamál

Félagið býður félagsmönnum sínum upp á ókeypis yoga tíma í hreyfisal skólans tvisvar sinnum í viku undir leiðsögn kennara. Tímarnir sem um ræðir eru á þriðjudögum og fimmtudögum á milli kl. 11:50-12:30. 

Stúdentar hafa aðgang að vel búnum tækjasal skólans sem opinn er virka daga frá morgni til kvölds án endurgjalds fyrir nemendur.

Árlega eru haldnir hinir ýmsu íþróttaviðburðir og má þar helst nefna ólympíuleika SHA þar sem keppt er í hinum ýmsu íþróttagreinum. Keppt er um farandbikar sem kemur í hlut viðkomandi aðildarfélags til varðveislu.