Á morgun verður Sprellmót FSHA haldið hátíðlegt. Fyrir þá sem ekki vita þá er þetta einn vinsælasti viðburðurinn á árinu, þar sem öll sex undirfélög Félags stúdenta við Háskólann á Akureyri keppa sín á milli í hinum ýmsu þrautum sem reyna bæði á líkama og sál. Hvetjum við alla til að taka þátt eða til þess að hvetja sitt félag áfram.

Tónleikaröðin Sérfræðingar að Sunnan! hefst fimmtudaginn 26. september næstkomandi með tónleikum hljómsveitarinnar kimono í Hofi. Tónleikarnir hefjast kl. 20:30 (Salur opnar 20:00) og sér eyfirska hljómsveitin Buxnaskjónar um upphitun. Miðaverð er 2.000 kr en námsmenn fá 25% afslátt. Miðasala fer fram á vef Hofs, www.menningarhus.is

Háskólinn á Akureyri mun mánudaginn 16. september kl. 14:30 flagga Grænfána fyrstur háskóla hér á landi og með þeim fyrstu í heiminum. Grænfáninn er landsmönnum vel kunnur en flestir leikskólar og margir grunnskólar flagga honum. Á Degi íslenskrar náttúru, 16. september, mun HA taka við fánanum frá Landvernd. Athöfnin hefst kl. 14:30 í Miðborg, anddyri háskólans og eru allir velkomnir.

Dagana 12.-14. október næstkomandi verður haldin stór og mikil alþjóðleg ráðstefna í Hörpu, sem felur í sér einstakt tækifæri fyrir nemendur og fræðimenn við Háskólann á Akureyri til að mynda ný og spennandi tengsl við alþjóðlega fræðimenn og fulltrúa atvinnulífs og stjórnmála á heimsvísu. Þeir sem vilja taka þátt í ráðstefnunni gera það sér að kostnaðarlausu. Hér um að ræða alþjóðlega ráðstefnu með þátttakendum víðs vegar að í veröldinni og ráðstefnan felur einnig í sér mikla möguleika til tengslamyndunar. Skráningarfrestur er til og með 20. september.

HA-kórinn óskar eftir kórfélögum. Viltu taka þátt í starfi vetrarins? Áhugasömum er bent á að mæta á æfingu 11.september næstkomandi kl 16.15.

Hugleikur Dagsson verður með uppistand í Hofi föstudaginn 6. september. Stúdentar fá 25% afslátt og miðann á 1.500 kr. Í hádeginu verður Hugleikur í mötuneytinu með stutta tölu og verður miðasala fyrir kvöldið eftir það.

Í lok nýnemavikunnar var Íslandsklukkunni hringt. Að því loknu blés FSHA til nýnemadagskrár á Hömrum þar sem nýnemarnir voru hrisstir saman og komið af stað inní háskólalífið. Gleðin tók svo öll völd á Pósthúsbarnum um kvöldið þar sem lokum fyrstu vikunnar í skólanum var fagnað.

Föstudaginn 30. ágúst verður FSHA með dagskrá fyrir nýnema.

Nýnemakvöld Reka verður fimmtudaginn 29. ágúst á Café Amour á Ráðhústorginu. Mæting er kl. 19:30 en dagskráin byrjar kl. 20:00 Gylltar veigar verða í boði þar sem dagskrá og starf Reka í vetur verður kynnt. Eftir dagskrá Rekar er öllum frjálst að taka þátt í PubQuiz og/eða hlusta á trúbador. Vonumst til að sjá sem flesta nýnema!

Nýnemakvöld Magister verður haldið mánudaginn 26.ágúst á efri hæðinni á Kaffi Amour. Við ætlum að byrja fjörið klukkan 20:00 þar sem nýnemar mæta og skella í sig pitsu og bjór.